Sambutan Jubli Emas Kebawah Duli Yang Maha Mulia Paduka Seri Baginda Sultan dan Yang Di-Pertuan Negara Brunei Darussalam Menaiki takhta

Written by aliqpombunai on . Posted in Kurapak & Co.

Kebawah Duli Yang Maha Mulia Paduka Seri Baginda Sultan Haji Hassanal Bolkiah Mu’izzaddin Waddaulah ibni Al-Marhum Sultan Haji Omar ‘Ali Saifuddien Sa’adul Khairi Waddien, Sultan dan Yang Di-Pertuan Negara Brunei Darussalam dan Kebawah Duli Yang Maha Mulia Paduka Seri Baginda Raja Isteri Pengiran Anak Hajah Saleha diarak mengelilingi Bandar Seri Begawan.

Kelmarin, 5hb Oktober 2017, tercipta satu peristiwa yang penuh bersejarah, diraikan dengan penuh gilang-gemilang. Kediaku and Mr. Kurapak berpeluang ikut turun ke Bandar untuk sama-sama merasai event yang jarang sekali kan berlaku nya orang kitani. Hamba sebagai rakyat yang bernaung dibawah kepimpinan Kebawah Duli Tuan Patik ingin mengucapkan Junjung Kasih kehadapan Majlis Kebawah Duli Yang Maha Mulia Paduka Seri Baginda Sultan Haji Hassanal Bolkiah Mu’izzaddin Waddaulah Ibni Al-Marhum Sultan Haji Omar Ali Saifuddien Sa’adul Khairi Waddien Sultan dan Yang Di-Pertuan Negara Brunei Darussalam di atas pemerintahan Baginda genap 50 tahun yang adil lagi bijaksana kepada seluruh rakyat Brunei Darussalam. Daulat Kebawah Duli Tuan Patik! Semoga kekal qarar memerintah bumi Brunei Darussalam.

Video courtesy: Yusri Bakar

Dibawah ada lagi banyak gambar-gambar ceria urang Brunei kitani from yesterday’s event.

Ramai berabis kemarin di bandar atu…sampai betamu alak-alak.

Keadaan orang ramai di jeti yayasan selepas acara Jubli Emas kemarin. Pecaya kamu tu dua perahu ani bulih muat 30 urang sekali naik. Tapi mesti umur 2 tahun kebawah tu.

Anak P.Ramlee dan isteri tercinta pun ada kesini.

Bling bling jua lai.

Team McDcoolkids bersama habang habang askar.

Salah seorang peserta yang membawa alat kebesaran diraja masa majlis perarakan Jubli Emas kemarin.

Wakil Diver yang tidak asing lagi, Famie, Yusri, Bini si Yusri, Mally & Deemar Dscuba Junkie.

Nahhh….Team NBT pun ada. Bah, jan lupa pinjamkan kami sebuah kerita sorang ah…kami tagih ni.

Imam Hj Ahmad Tarmiji pun ada jua sama familynya. Semangat bah dorang, pukul 6 sudah pacak2 di sana.

Bodyguard HM di atas Usungan yang dibawa khas masa perarakan di Bandar kemarin.

Laiiii…25 tahun akan datang jan lupa lawat blog angkal ani ah.

Playboy inda menjadi.tapi eksen me. hahaha

Bahhh…squeeze in, semua kamu masuk dalam kurapak.co

Selamat penganti baru, from us at Kurapak.co

lawa baju kita ahhh…meriah oren nya.

Inda payah ku introduce arah kamu aku yang manasatu ah. Yang dua dari kiri bebiskal atu pemenang olympic tahun 1996 di Mexico, yang besungkuk atu dangan me main guli di maraburong dulu, yang di ujung baju papal atu maskot DST(single masih tu).

Familiar faces…macam kenal tapi kenal…

eksen tia inda meliat camera…UKUM.

Mr Kurapak’s childhood fren dari damit, Najoy, dangan kacamata nya yang rugged ulihnya merambo dari Bangkok.

SMILE LADIES! you guys on Kurapak.co!!

Mr Kurapak’s Uncle Buck and his little family pun ada jua…yang baju merah atu single tu. Please DM Mr. Kurapak dulu kalau kan merisik.

Tiga urang bujang sedang mencari cinta di Bandar. Siapa minat, PM saja bisdorang ani arah Brunei Dot Com.

SMILE LIBAR LIBAR! you’re on Kurapak.co! AHAKZ! MANITH!

Geng Lama…dengan mengupi di kitchen ofis ku daulu.

Karabel sama bodyguards nya.

Damit-damit udah kana ajar main mata, sudah basar ramai bini2 tegila2 kan kedia ni.

Semua single masih ni, bah pilih cia….

Inda payah di introduce, tau tau tah kamu sendiri tu.

Thanks to everyone yang menagur kami kemarin from us Ukum & The Ukumer, yet your favorite IG Story tellers(barangkali lah). It’s a wrap for yesterday’s big event di Bandar. Thank you to biskita semua yang mengapproach kami tuk besuai-kenal, beselfie & arik-arik tapi betapuk udah ditulih. You guys are awesome and to yang malu-malu, jangan tah biskita kan hawar, kami dua orang ani inda mengigit ni, gigi kami tumpul, banar pulang mua kami ani ganas macam Komodo Dragon, tapi ati kami ani lambut macam pampers.

I’m ALIQPOMBUNAI…SIGINING OUT! PEACE KELUPEACE!!